Денеска започна реновирањето на полуотвореното одделение на Казнено поправниот дом Идризово согласно Програмата  за финансирање на изградба, реконструкција, одржување на објекти и опремување на казнено поправните установи за 2010 година.

Подготвена е  целокупната документација, спроведена е тендерска постапка и избран  е изведувач на работите. Реновирањето на полуотвореното одделение во КПД Идризово опфаќа целосно  реновирање  на  просториите за престој, санитарните јазли, греењето, покривот и други градежни работи.

            Полуотвореното одделение е со капацитет од 140 лица.

           За реновирање на ова одделение на КПД Идризово се  обезбедени материјални средства од Буџетот на Република Македонија.