Денеска, во просториите на Mинистерството за правда се одржа средба помеѓу амбасадорот на Канцеларијата на ОБСЕ во Скопје Н.Е. Хереро и министерот за правда Михајло Маневски, согласно утврдената практика на редовно одржување на ваков тип на средби.         

            Целта на средбата беше размена на мислења во врска со работата на Министерството за правда, подготовката на нови закони, имплементацијата на новите закони подготвени од Министерството за правда, постигнатите резултати во спроведувањето на активностите за реформа во правосудството и соработката на Министерството за правда со ОБСЕ.          

            На средбата беше разговарано за потребата од координацијата на активностите на поддршка, како и за дефинирање на понатамошните активности на Министерството за правда во конкретни области за кои ОБСЕ изразува интерес да ги поддржи.

Од страна на амбасадор Хереро беше изразена подготвеноста ОБСЕ да даде поддршка за активностите за имплементација на реформата на правосудството, во рамки на многу успешната соработка помеѓу двете институции, на взаемно задоволство.