Сектор за меѓународна правна помош

Во Секторот за меѓународна правна помош се вршат работи од делокругот на Министерството што се однесуваат на склучување на двострани билатерални договори и мултилатерални конвенции од областа на меѓународна правна помош, водење на постапките за екстрадиција, трансфер на осудени лица, меѓународната правна помош во постапувањето по замолници во кривичната и граѓанската област, постапки за алиментациони побарувања, постапки за признавање и извршување на странски судски и арбитражни одлуки, и др.

Работите од делокругот на Секторот се извршуваат преку:

• Одделение за меѓународна правна помош во кривична материја;
• Одделение за меѓународна правна помош во граѓанска материја;

Лице за контакт: Гордана Милевска - Раководител на Одделението за меѓународна правна помош во кривична материја
e-mail: gmilevska@justice.gov.mk

Во Одделение за за меѓународна правна помош во кривична материја се вршат следните работи и задачи:

• вршење на работите на екстрадиција;
• вршење на работите по предметите за трансфер на осудени лица, македонски државјани, кои издржуваат казна затвор во казнено-поправните установи на странски држави и на странски државјани кои издржуваат казна затвор во казнено-поправните установи во Република Северна Македонија ;
• известување за притвор на странски државјани во Република Северна Македонија и давање на одобрение за посета, како и за известување за притвор на македонски државјани во странски држави;
• соработка со Министерството за внатрешни работи, Казнено-поправните установи и ИНТЕРПОЛ во врска со лица кои се наоѓаат во екстрадиционен притвор и на издржување казна затвор;
• водење на статистика по предметите од екстрадиција и трансфер на осудени лица;
• постапување по замолници на домашните и странските судови во укажувањето на правна помош во кривичните предмети за казнена евиденција, во кривични предмети за кривично гонење и во кривичните предмети за отстапување на списи;
• вршење на работите во изготвувањето и склучувањето на двостраните договори во областа на меѓународната правна помош и следење на нивната примена;
• следење на ратификуваните конвенции, заради нивна имплементација при постапување по предметите од меѓународна правна помош;
• следење и примена на Европската конвенција за екстрадиција, Европската конвенција за трансфер на осудени лица и Европската конвенција за правна помош во кривичната материја со дополнителните протоколи;
• изготвување на извештаи и анализаи за Претседателот, Собранието и Владата на Република Северна Македонија од областа на меѓународната правна помош;
• соработка со дипломатско-конзуларните претставништва во Република Северна Македонија и дипломатско-конзуларните претставништва на Република Северна Македонија во странски држави во меѓународна правна помош;
• вршење прием, распоредување и заведување на пошта од областа на меѓународната правна помош согласно програмот LURIS;
• ракување со печати и штембили, вршење на административни и тековни работи и архивирање на предмети од меѓународната правна помош.

Во Одделението за постапување по замолници во граѓанска материја се вршат следните работи и задачи:

• постапување по замолници на домашните и странските судови во укажувањето на правна помош во граѓански предмети за врачување;
• постапување по замолници на домашните и странски судови во укажувањето на меѓународна правна помош во граѓанските предмети за сослушување;
• постапување по замолници на домашните и странски судови во укажувањето на меѓународна правна помош за признавањето и извршувањето на странските судски одлуки во граѓански предмети;
• постапување по замолници на домашните и странски судови во укажувањето на меѓународна правна помош за признавањето и извршувањето на странските арбитражни одлуки во граѓански предмети;
• давање на мислење за прашања во врска со реципроцитет на странски државјани во Република Северна Македонија;
• постапување по предмети кои се однесуваат на алиментациони побарувања, согласно Њујоршката конвенција за алиментациони побарувања;
• водење статистика по граѓанските предмети;
• вршење на работите во изготвувањето и склучувањето на двостраните договори во областа на меѓународната правна помош и следење на нивна правилна примена;
• следење на ратификуваните конвенции, заради нивна имплементација при постапување по предмети од меѓународна правна помош во граѓанската материја;
• следење и примена на Хашките конвенции од областа на меѓународно приватно право каде централен орган се јавува Министерството за правда;
• изготвување на извештаи и анализи за Претседателот, Собранието и Владата на Република Северна Македонија од областа на меѓународната правна помош;
• соработка со дипломатско-конзуларните претставништва во Република Северна Македонија и дипломатско-конзуларни претставништва на Република Северна Македонија во странски држави при меѓународна правна помош;
• прием, распоредување и заведување на пошта од областа на меѓународната правна помош.