1. Почетна
  2. Органи во министерство
  3. Управа за извршување на санкции
  4. Новости

Управата за извршување на санкциите обезбеди 1.2 милиони евра преку проектот “Supply of ICT for the Justice Sector Institutions LOT 2: Integrated Penitentiary Management System for DES” - за осовременување и зајакнување на затворскиот систем во Република Северна Македонија

25.06.2019
Во насока на континуирано подобрување и усовршување на затворскиот систем во Република Северна Македонија, како и од нужноста за подобрување на циркуларниот тек на информации помеѓу Управата за извршување на санкциите и казнено и воспитно поправните установи и пробациската служба во тек е реализација на проект насловен како “Supply of ICT for the Justice Sector Institutions LOT 2: Integrated Penitentiary Management System for DES” Проект за набавка на ИКТ за институциите од правниот сектор, ЛОТ 2 –Набавка на интегриран систем за управување со казнено поправните институции за Управата за извршување на санкциите.
Имено, станува збор за проект чија реализација е започната во почетокот на 2019 година, а се однесува на изготвување на софтверско решение кое ќе овозможи поврзување на сите институции во пенитенцијарниот систем, т.е. Управата за извршување на санкциите и казнено и воспитно поправните установи и пробациската служба.

Со реализација на еден ваков проект се овозможува поедноставна, а поефикасна евиденција и ажурирање на податоците за осудените лица, брза и непречена размена на информации помеѓу институциите како и поефикасно вршење надзор над работењето во затворскиот систем.

Првичната програма за софтверско поврзување ќе биде изработена до ноември 2019 година, а проектот ќе биде целосно комплетиран и имплементиран до крајот на февруари 2020 година.

Ние користиме колачиња на оваа веб-страница за да ви го дадеме најдоброто искуство на нашата веб-страница. За да дознаете повеќе, прочитајте ја нашата Политиката за колачиња.