Автор
Министерство за правда
+389 (0)2 3116 - 493, +389 (0)2 3116 - 648
E-mail: cabinet@mjustice.gov.mk, publicrelation@mjustice.gov.mk

Маричиќ: Делото на Кирил и Методиј засекогаш ќе остане дел од богатата македонска и сесловенска историја

 -Секоја година на 24 Мај го одбележуваме Денот на сесловенските просветители Кирил и Методиј, браќата кои се најзаслужни за описменувањето и ширењето на христијанството меѓу словенските народи.

 
Нивното дело, со кои им се овозможи на словенските народи да бидат дел од развиена Европа, беше препознаено и од Ватикан, а Светите браќа се прогласени за заштитници на Европа.
 
Нивната работа резултираше со создавањето на првата азбука – глаголицата, што е основ, подоцна нивниот следбеник Свети Климент Охридски да ја создаде кирилицата, која пак е темелот за стандардизацијата на македонскиот јазик.
 
Делото на Светите браќа Кирил и Методиј никогаш нема да биде заборавено и засекогаш ќе остане дел од богатата македонска и сесловенска историја.
 
Нека е честит и вечен 24 Мај, Денот на сесловенските просветители Кирил и Методиј, напиша Маричиќ.

 

 

Претходна

Честитка на Маричиќ по повод 23 Мај - Националниот ден на Власите

Следна

Маричиќ: Откако сум министер немало промена на закон без вклученост на граѓанскиот сектор