Денес се одржа втората седница на Советот за следење на реформите во правосудниот сектор, со која претседаваше министерот за правда, Игор Филков.
На седницата беа разгледани и дискутирани клучни документи за функционирањето на Советот, меѓу кои:
- Предлог-деловник за работа на Советот
- Методологија за следење и мерење на реформските активности
Се разговараше за потребата од подобра координација и навремено доставување на податоци од сите институции, со цел ефикасно и транспарентно известување за спроведените активности.
Министерството за правда останува посветено на независно, ефикасно и дигитализирано судство во интерес на граѓаните и владеењето на правото.