Министерството за правда се вбројува меѓу најтранспарентните институции според Индексот на активна транспарентност за 2025 година, со високи 87,0% активна транспарентност. Министерството е рангирано во првата графа заедно со најотворените институции во државата.
Ова годишно рангирање, кое опфаќа 102 институции, вклучувајќи ги Владата, сите министерства и општините, претставува значаен показател за нивото на активна транспарентност – односно степенот до кој институциите проактивно објавуваат информации од јавен карактер без да чекаат формални барања од граѓаните.
Овој резултат е потврда за континуираните напори на Министерството за правда во насока на јакнење на транспарентноста, отчетноста и довербата кон институциите.