Министерството за правда го објави новиот предлог Закон за пробација (2025) кој носи суштински промени со цел подобрување на правдата, заштита на жртвите и поефикасна работа на пробациската служба.
Законот носи значајни промени кои директно влијаат на граѓаните, жртвите и лицата под надзор.
Еве ги најважните новини:
Посебна глава за жртвите на кривични дела
Глава V – Постапување со жртви (нова!)
- Гаранција на права и заштита на жртвите
- Информирање за одлуки поврзани со сторителот
- Вклучување во програми за ресторативна правда
- Механизам за пријавување и заштита
Прецизирање на надлежностите
- Зајакната улога на Секторот за пробација
- Формирање електронски регистар
- Подобра меѓуинституционална соработка
- Воведени механизми за надзор над пробациските канцеларии
Нови принципи и начела
- Заштита од тортура и нечовечко постапување
- Родова еднаквост во термините
- Економичност во постапувањето
- Проширена листа на основи за забрана на дискриминација
Индивидуална програма за третман
- Рок од 30 дена за изготвување
- Писмена согласност од лицето
- Поврзаност со времетраењето на надзорот при условен отпуст
Нови надлежности на службениците
- Контрола на теренската проверка
- Користење на електронски алатки за надзор
- Задолжителна соработка со МВР и други институции
Регулирање на куќен затвор
- Јасни правила за престој надвор од домот
- Посебни процедури за итни медицински случаи
- Можност за отповикување на дозволата
- Подетални обврски за известување и поддршка
Технички и терминолошки измени
- Нови рокови за институциите (на пр. 30 дена за приговори)
- Појаснети услови за прекин на мерки и пишани опомени
- Детални процедури за непочитување на обврски
Целиот предлог-закон е достапен на ЕНЕР: https://bit.ly/predlog-zakon-probacija
Вклучете се, информирајте се и споделете мислење!